Om Fyresdal kommune
Fyresdal er ein av dei vestlegaste kommunene i Telemark. Fyresdal grensar til kommunane Tokke, Kviteseid og Nissedal i Telemark og til kommunane Åmli, Bygland og Valle i Agder. Dei viktigaste næringsvegane er jordbruk, skogbruk, handel og turisme, samt kraftproduksjon.
Gjer draumen levande!
Kommunen sitt slagord er "Gjer draumen levande", og dette ser ein att i tilboda til både innbyggarar og tilsette. Saman er vi rause, respektfulle, omtenksame, inkluderande og stolte. Fyresdal er ein kommune i Vest-Telemark med omlag 1200 innbyggarar. Kommunen har som mål å vere handlekraftig og finne fleksible løysingar. Her er det godt å bu og virke, og saman leverer vi svært gode tenester til innbyggarane våre.