Den offentlege tannhelsetenesta i Møre og Romsdal har 37 tannklinikkar i 34 av dei 36 kommunane i fylket, og skal syte for hjelp til heile befolkninga som bur eller mellombels oppheld seg i fylket. Vi gir gratis tannhelsetenester til barn og ungdom 0-18 år, psykisk utviklingshemma, eldre og uføre i institusjon og heimesjukepleie. I tillegg får 19-20 åringar tilbod om undersøking og tannbehandling til 25% av offentlege takstar. Vi gir også tilbod om undersøking og tannbehandling for fengselsinnsette og personar i kommunal og statleg rusomsorg.Klinikkane gir også tilbod til vaksne betalande pasientar.
Tannhelsetenesta er organisert i 5 tannhelsedistrikt, med ein overtannlege som er fagleg- og administrativ leiar i sitt distrikt. Tannhelsetenesta har omlag 190 tilsette.