Om Sande Barnehage
Kvardagen i barnehagen består av møte mellom små og store menneske. Vi ynskjer å gjere dessa møta gode og meiningsfulle. Barna skal og få møte ein stimulerande og utviklande stad, der dei lærer, utviklar seg og har det godt. Barnehagen skal vere ein arena for danning. For å få til dette, trengst nære og rause vaksne som har tid å sjå og møte den einskilde.
Om oss
Sande barnehage, frå 6. september 1971
Frå å vere ein eittavdelings barnehage i kjellaren på skulen, bygde vi i 80 to- avdelingsbarnehage. Hausten 2010 opna vi nytt flott bygg i Steiavegen der vi har ungane over tre år, og ungane under tre år har vi i Gamlevegen! Mykje endring på 30 år, men vi er like friske og raske som for då vi starta... håpar vi!
Sande barnehage starta opp i 1970, i kjellaren på skulen.
Dette var initiert av eit mødrelag, der Astrid Marie Nistad og Berna Aamodt sto i spissen.
Den tidlegare styraren vår; Milda Skogly Sande opna barnehagen på 25 års dagen sin. Ho vart headhunta, sidan dei hadde hørt at han Kristian hadde fått seg ein kjærast som var førskulelærar.
Hovudbygget i Sande barnehage vart tatt i bruk i 1980.
Først med to avdelingar; Katten og Hunden.
Det var då store diskusjonar i bygda om ein skulle nytte det gamlehuset, som sto på garden Granly, men heldigvis for ungane i Gamlevegen, vart det eit etter tida flott nybygg.
Bamsen kom 1989, loftet i 1994 og Haren vart bygd i 2001
2006 bygde vi ut med to kontor, og større loft.
I tre omgangar frå 1990 har vi nyttta Sporven i garderobebygget til idrettslaget. Mauren i kjellaren til Milda nytta vi frå 2007. Desse nytta vi fram til 2010, då nytt bygg står ferdig.
16 august 2010 flytta vi med dei tre eldste kulla inn i den nye barnehagen i Steiavegen 20.
No håpar vi at vi vil ha plass til ungane i Sande sokn i ei god tid framover!
