Løhaug Blomsterhage er ein blomstergard i Hardanger som dyrkar og sel lokale snittblomar. Alle blomane vert dyrka på friland, i takt med sesongen, utan bruk av kunstgjødsel eller sprøytemiddel.
Me tilbyr ferske, kortreiste blomar til kvardagsglede, bryllaup, festar, minnemarkeringar og andre arrangement. Blomane vert dyrka med omsorg for naturen, med fokus på kvalitet og berekraft. Me lagar bukettar og blomsterarbeid som speglar sesongen og det unike mangfaldet i hagen vår.
I tillegg til dette tilbyr me blomsterkurs og sjølvplukk i sesongen, og tørka bukettar og andre arrangement på vinteren.